Tweei blaauwe ogen – Egbert Meijers

alle stoelen bint nou leeg iederien is weer hèen hoes
en ‘t bloed broest nog umheer in je aoders
je stem is an groezels deur aal die rook in je ströt
het zit zölfs in je koffer en je kleeraozie
hej ’t nummer van je liefie of binj heur naom ok al weer kwiet
waor koj vort jong en waor gaoj nou weer op an
dreum maor ‘n mooie dreum vannaacht want je slaopt weer ies allien
en argens wied vort daor gloort weer ‘n neie dag

en jouw vlag fladdert in de wind verscheuten raofels in de zun
wat wi’j nou feilijks met aal waoraj met gaangs bint
weej ‘t pad nog deur de dennen waor de naachtvioolties bluit
weej de geur nog en hoe ‘t op je blooie voeten vuulde
een zoere keerl binj met ’n rappe tong wat was ‘n leugen en wat was waor
hol jij je vlag nog hoog in weer ’n neie störm
ik weet zeker daj dan vortkruupt as ’n dwaos in zien iegen hol
want is jouw vrijheid niet ok ’n uniform

en ik weet je zag tweei blaauwe ogen en je was hielndal van slag
je gung haost koppie under in ien lange seconde
alles um je löste op der was allien nog jij en heur
en wat laoter waj heur kwiet en zöcht je as ’n wilde hond
en gien wichie an je ziede giet vanaovend met je met
gien hoes is nog een thoes zölfs niet in je iegen dörp
nou binj al zolang op drift wèest en je holdt ‘t naargens langer vol
je bint ‘n zwaarver, een vaogebond, een nomaode

stao nou op en gao verdan ’t komp toch echt op jou an
geleuf maor in jezölf wat zuj of kuj ok aans dan
je huuft niet vort te krupen veur ’t locht van het teniel
en je huuft ok niet stil te staon bij aal ’t aole
tweei blaauwe ogen volgt je aj weer wieder gaot
tweei blaauwe ogen bij elke stap deur dörp en stad
en die achterdeur van je hoes hold ‘m op ’n kiertie lös
veur as ze toch nog komp en metwil op jouw pad….